Gvendolina segir sögu

2007-02-01T05:37:00.001-08:00

Sæl verið þið lesendur og aðrir villuráfandi vitleysingar!!

Ég er farin að halda að ég klæði mig í of litrík föt...nemendur mínir höfðu það að orði að ég væri alveg eins og trúður í dag...það vantaði víst bara rauða nefið...ég sem var nú bara að reyna að vera soldið sumarleg í svartasta skammdeginu......

Það stendur mikið til í febrúar...fyrst ber að nefna sumarbústaðaferð með vinahópnum sem verður eins yndisleg og alltaf :)
Einnig ætla ég að leggja land undir fót og skella mér til Akureyri sem verður notla geggjað mikið fjör :)

Skemmtilegt að segja frá því að nemendur mínir áttu 100 skóladaginn sinn í dag....ég óska þeim að sjálfsögðu til hamingju með það er

Jámm það er ekki hægt að segja að maður láti sér leiðast....

2007-02-01T05:37:00.000-08:00

2007-01-28T11:47:00.000-08:00

Sæl verið þið Stefán og aðrir Sálarmeðlimir..

Jámm Sálarballsgeðveikin er hafin aftur á nýju ári....maður ætti nú að geta náð ansi mörgum böllum frá jan til des heheh

Skemmtilegt að segja frá því að það var dótadagur í kennslunni um daginn og máttu nemendur þá koma með sín uppáhaldsleikföng í skólann....nokkrar stúlkur mættu með barbie eða svipaðar dúkkur...og fóru að leika með þær í leiktímanum...að heyra í þeim leika fékk mig til að rifja upp hinar gullnu barbí stundir....

minns fór í heimsókn til þinns, þinns var að fara á ball, minns átti þetta og þinns átti hitt............ótrúlega fyndið þetta minns og þinns tal :)

Við vinkonurnar eyddum ansi miklum tíma í barbíleik á okkar yngri árum...stundum vorum við dögum og jafnvel vikum saman í sama leiknum og voru þá jafnvel ungu barbí-skvísurnar frá fyrsta degi orðnar ömmmur á þeim síðasta :) Það vantaði heldur ekki sápuóperudramað í þessa leiki okkar og þar sem oft var aðeins til einn barbí-kall gátu hlutirnir oft orðið ansi flóknir..sérstaklega eftir því sem við urðum eldri og áttuðum okkur betur á því hvernig börnin verða til og soleiðis... ....já það var mikið um sjálfstæðar einhleypar mæður sem áttu falleg föt og lifðu svokölluðu paradísarlífi....einnig redduðum við okkur með því að láta kallana vera sjómenn eða flugmenn sem voru mikið frá vegna vinnu...mér fannst/finnst þetta alveg yndislegur leikur og get nú ekki sagt að hið óeðlilega útlit barbídúkkunar hafi skemmt mína sjálfsmynd eða brenglað ímynd mína á kvennfólki yfir höfuð....það þyrfti nú örugglega ekki mikið að gera til að sannfæra mig um að koma í barbí...

en allavega elskið friðinn og strjúkið kviðinn...

2007-01-24T05:44:00.000-08:00

Sæl verið þið kennarar og annað merkilegt fólk.......

Úfff eftir suma kennsludaga líður manni pínu eins og gömlum úlfalda sem er haltur á öðrum fæti og blindur á öðru auga, sem ráfar um eyðimörkina í leit að vatni til að hressa sig við án árangurs og ekki nóg með það heldur í staðin rekst hann á gamlan gírafa sem hrjáist af þunglyndi og of háum blóðþrýsting sem lifir fyrir það að segja öðrum frá eymd sinni.....

en annars er ég bara hress...

elskið friðinn og strjúkið kviðinn

2007-01-21T04:57:00.000-08:00

Sæl verið þið afmælisbörn og aðrir viðskiptafræðingar...

Ég vil byrja að óska Huldu minni og Þöllinni til lukku með afmælið en þær áttu báðar afmæli síðasta mánudag....Sigrún hélt að því tilefni svaka teiti þar sem ótrúlegasta fólk lét sjá sig svo sem Elín Hirst, Sally Spectra, Ómar, Borat, Gyða Sól, Bogi og Örvar og margir fleiri vitleysingar :)

Síðan vil ég óska henni Heiðdísi skvís til lukku með áfangann en stúlkan var að útskrifast sem viðskiptafræðingur í gær...að sjálfsögðuu var einnig blásið til veislu þar á bæ.. sem endaði með ostakasti að hætti Iðunnar :) Skelltum við okkur nokkur saman út að borða á Carruso fyrir teitið þar sem við fengum alveg rosalega góðan mat og frábæra þjónustu...þar var alveg endalaust hlegið og gleðin var við völd :) heheheh

En að öðru...

Við og við kemur alltaf upp sú umræða í bekknum mínum hvort ég sé nú stelpa eða kona.....nú í vikunni fór sú umræða aftur á stað og krakkarnir voru nú mikið að velta þessu fyrir sér.....þá heyrist í einum...... ER MAMMA ÞÍN KRUMPUÐ Í FRAMAN???? ég var nú voða hissa á þessari spurningu en neitaði að svo væri..... komust þau þá að þeirri niðurstöðu að þar sem móðir mín er ekki krumpuð í framan þá hlýt ég að vera stelpa....

Algjörir snillingar :)

en allavega elskið friðinn og strjúkið kviðinn...

2007-01-14T09:55:00.000-08:00

Sæl verið þið fótboltabullur og aðrir nördar....

Jámmm ég veit ég ætlaði að reyna að vera duglegri að skrifa oftar inn færslu !!!!!

En allavega....hvað finnst ykkur um að David Beckham sé að fara til Bandaríkjana til að spila fótbolta...nú hef ég ekki neitt rosalegt vit á þessu en miðað við þá litlu umfjöllin sem Bandaríkjamenn hafa fengið fyrir karla knattspyrnuna þá getur hún nú ekki verið á einhverju gæðastalli eða hvað???? Er þetta nógu mikil ögrun fyrir kauða??????

Svo er hérna smá sem ég rakst á og vildi sýna ykkur ;) Mér finnst þetta allavega soldið sniðugt :)

HVERNIG Á AÐ FARA Í STURTU EINS OG KONA

Farðu úr fötunum og raðaðu þeim í flokkaðar "óhreina-taus-körfur" Ein fyrir ljósan þvott, ein fyrir dökkan, ein fyrir hvítan, og ein fyrir sérstaklega viðkvæm efni.Gakktu í átt að baðherberginu í síðum slopp. Ef að húsbóndinn sér til þín á leiðinni, mundu þá að hylja allt nakið hold og flýta þér inná baðherbergið.Horfðu á sjálfan þig í speglinum, ýttu maganum fram og kvartaðu í smástund við sjálfa þig yfir því hvað þú ert að verða feit. Stígðu inn í sturtuna.Athugaðu hvort að eftirfarandi sé ekki örugglega við hendina:Andlits-þvottapokinn, handarkrika-þvottapokinn, fyrir-neðan-mitti-þvottapokinn, grófi nudd-þvottapokinn og siðast en ekki síst .. appelsínu-húðar-nudd-steinninn.Þvoðu hárið einu sinni með Agúrku og Ginseng sjampóinu .. þessu sem inniheldur 83 nauðsynleg vítamín fyrir hárið.Þvoðu hárið aftur með Agúrku og Ginseng sjampóinu .. þessu sem inniheldur 83 nauðsynleg vítamín fyrir hárið.Notaðu Agúrgku/Ginseng næringuna .. þessari með viðbættu Burkna-olíunni og láttu standa í hárinu í 15 mínútur.Þvoðu þér í framan með Aprikósu-skröbbinu í tíu mínútur .. eða sirka þangað til þig fer að svíða verulega.Þvoðu restina af líkamanum með Ginger/Jaffa-Cake líkams-sápunni. Skolaðu næringuna úr hárinu í sirka 15 mínútur .. svo að örugglega öll afgangs næring hreinsist í burtu.Ef að húsbóndinn sturtar niður, sem leiðir til þess að vatnið hjá þér hitnar í smástund, skaltu öskra brjálæðislega og kalla hann öllum illum nöfnum.Skúfaðu fyrir sturtuna. Þurrkaðu upp alla bleytu í sturtunni. Notaðu Ajax sturtu sprey til að ná upp háglans á flísarnar. Ekki gleyma að athuga gólfið fyrir framan sturtuna og þurrka upp hvern einasta dropa.Farðu úr sturtunni. Þurrkaðu þig með handklæði sem er á stærð við lítið Afríku ríki.Pakkaðu hárinu inn í annað, extra rakadrægt, handklæði. Skoðaðu allan líkamann í leit að minnsta blett eða hári. Notaðu neglur eða flísatöng til að gera út af við það sem þú finnur.Gakktu í átt að svefnherberginu í síðum slopp með handklæðið ennþá á höfðinu. Myndu að hylja allt nakið hold .. ef að húsbóndinn er nálægt.. og flýttu þér í átt að svefnherberginu. Ekki eyða undir hálftíma í að klæða þig.

AÐ FARA Í STURTU EINS OG KARLMAÐUR

Farðu úr fötunum, sitjandi á rúminu, og skildu þau eftir í hrúgu fyrir framan rúmið. Gakktu nakinn í átt að baðherberginu. Ef að konan sér þig á leiðinni, hristu þá "vininn" í áttina að henni og segðu "Vúúííí". Skoðaðu karlmannlegt vaxtarlag þitt í speglinum og dragðu djúpt inn andann til að athuga hvort þú sért með "sixpakk" (sem þú ert ekki með.)Horfðu með aðdáun á stærðina á "félaganum", gríptu um hann og segðu "Jú vonna pís of ðis beibí".Farðu í sturtuna. Ekki hafa fyrir því að leita að þvottapoka ? ekki nota hann ef þú rekst á hann.Þvoðu þér í framan, undir höndum og "vöðvann". Hlæðu kjánalega yfir því hvað það heyrist hátt þegar þú rekur við í sturtu. Notaðu sjampó í hárið en ekki nota næringu. Búði til móíkana-kamp með sjampóið í hárinu. Dragðu aðeins frá sturtuhengið til að sjá sjálfan þig í speglinum (tíhíhíhíhí).Pissaðu (í sturtunni að sjálfsögðu). Skolaðu þig og farðu úr sturtunni. Ekki taka eftir vatninu á gólfinu (sem kom til af því að þú hafðir hengið fyrir utan sturtubotninn.)Þurrkaðu þér lauslega. Horfðu á sjálfan þig í speglinum. Taktu nokkrar "pósur" og horfðu með aðdáun á stærðina á "jókernum" (aftur).Ekki draga fyrir sturtuna, og skildu eftir blautt gólf. Ekki slökkva inná baði. Gakktu í átt að svefnherberginu með handklæðið um mittið. Ef að þú rekst á konuna, dragðu þá handklæðið frá, gríptu um "gosann", taktu eina Elvis-sveiflu og segðu "Sssjabúmm".Athugaðu hvort að nærbuxurnar séu blettóttar, ef ekki, farðu þá í þær. Taktu sundur sokkaparið á gólfinu. Brjóttu aðeins úr þeim, og farðu í þá. Farðu í nýjan bol, en vertu annars í sömu fötum og þú notaðir í gær.

Hehehe soldið skondið...

en allavega elskið friðinn og strjúkið kviðinn..

2007-01-08T11:08:00.000-08:00

Sæl verið þið Takkartáhugamenn og aðrir borgarbúar!!!!!

Úff púff hvað það er kalt úti.......mæ tós ar frísing....en allavega þar sem ég hef ekki verið að fara nógu vel eftir áramótarheitunum og ekki verið að fylgjast neitt með hef ég ekki frá miklu að segja...úff hvað er málið ég hef hreinlega ekki frá neinu að segja...nema ég hlakka til að sjá nýja þáttinn Heros..missi reyndar af honum í kveld en ætla að sjá endursýninguna í vikunni....

Annars skemmtilegt sem 5 ára frænka mín sagði við mig um daginn.....

Frænka: Amma getur ekki farið til útlanda
Sigrún: Nú afhverju ekki???
Frænka: Hún á ekki bíl
Sigrún: Já en maður fer nú í flugvél til útlanda.....
Frænka: Já ég veit en hún kemst ekki út á flugvöll

heheh soldið fyndnar pælingar hjá þessum krílum :)

en allavega elskið friðinn og strjúkið kviðinn....

2007-01-07T05:38:00.000-08:00

Sæl verið þið lesendur og aðrir ráðviltir netverjar!!!!!!!!

Hvernig dýr er mörður????????
Það kom nefnilega fram í einni frétt sem ég las að París Hilton sefur bara með dýrin sín upp í rúmi en ekki karlmönnum...hún á víst fullt af dýrum þar á meðal mörð.....já segið þið svo að ég fylgist ekki með.......

Jæja jólin eru barasta búin....það er spurning hvort maður nennir að fara týna saman jóladótið....ég þarf allavega að henda jólatrésgreyinu út.....ég held að dauðari (segir maður dauðari????) jólatré sé ekki hægt að finna og það er sko búið að vera það síðan á annan í jólum....

já en hvað þetta er spennó færsla hjá mér....Paris Hilton og dautt jólatré!!!!!
Jámm ég varaði ykkur við að þetta færi svona......

Skemmtilegt að segja frá því að ég fjárfesti mér í nýjum síma....það var svo ansi mikið farið að fara í taugarnar á fólkinu mínu hvað gamli síminn var lélegur....heyrðist lítið....skruðningar...ooooog margt fleira.....en nú er maður sko móðins komin með nokia eitthvað...man ekkert hvað hann heitir...

en jæja þetta er held ég komið gott að rausi og röfli...

elskið friðinn og strjúkið kviðinn...

2007-01-06T05:36:00.000-08:00

Sæl verið þið forsetafrúr og annar líður......

Ég er að reyna að blogga reglulega...og hef komist að því að því oftar sem ég blogga því þynnra verður umræðuefnið.....ætli þetta endi ekki með því að ég fari að þylja upp daginn frá a-ö...... í dag vaknaði ég soldið seint...dreif mig í vinnuna og náði að vera komin rétt áður en kennslan hófst. Krakkarnir voru hressir og kátir í fyrsta tíma bla bla bla bla bla......... úff greyið þið ef það gerist :)

Skemmtilegt að fylgjast svona með.....ég var að hlusta á fréttir í gær og þar var verið að tala um að það gæti farið svo að Cheerios verði bannað á Íslandi..eitthvað tengt evrópusambandinu og því að Cheerios er vítamínbætt morgunkorn....ég segi nú bara það er gott að einhver sé skynsamur fyrir okkur og passi að við séum ekki að setja eitthvað rusl ofan í okkur sem getur haft áhrif á heilsuna....en jæja ég ætla að fara fá mér brennivín og reykja svo eins og pakka af síkó.....

Elskið friðinn og strjúkið kviðinn...

2007-01-03T17:01:00.000-08:00

Sæl verið þið foreldrar og aðrir kjánar....

Vil byrja á því að óska henni Anný skvís til hamingju með dísina sína hún er alveg gullfalleg eins og mamma sín ;) Ég verð að kíkja á þær mæðgur við tækifæri :)

Annars var ég sona eitthvað að spá í áramótaheitum...var að spá í að setja mér eins og kannski svona eitt eða jafnvel tvö....

Númer 1: Horfa meira á fréttir og svona fróðleiksfúsa þætti........væri gaman að vera stundum inn í því sem er að gerast í heiminum vita hvað gengi krónunar er og vera ekki síðust að frétta þegar forsetafrúin er ólétt.....

Númer 2: Vera pínu meira skipulagðari...stend samt í þeirri trú að ég hafi bætt mig pínu sko en gæti alveg bætt mig ennþá meira......

Svo er notla margt fleira sem maður ætlar sér á þessu ári....

Það sem mig langar að gera á þssu ári erð að :

-leggja rækt við líkama og sál....(mjög svona klassískt og verður að fylgja svona upptalningum)
-fara í fallhlífarstökk...(ætla að gefa mér það í 25 ára afmælisgjöf...svona eftir á gjöf :) )
-vinna í lottó(efast þó um að ég eftir að kaupa einn lottómiða á árinu )
-fara í paintball... hver er með???????
-fara á eitthvað skemmtilegt námskeið eins og t.d. leiklistarnámskeið eða dansnámskeið..
-fara til útlanda.....
-fara á þjóðhátíð....að sjálfsögðu
-og örgugglega alveg fullt fullt fullt meir....

en allavega
elskið friðinn og strjúkið kviðinn ;)

2007-01-01T15:04:00.000-08:00

Varúð lengsta blogg í sögu bloggheima.......

2006

Nú er árið er liðið í aldanna skaut og aldrei það kemur til baka......................................................

þetta ár hefur verið viðburðaríkt.....

Það má segja að þetta ár hafi verið eitt það erfiðasta sem ég hef upplifað en jafnframt eitt það skemmtilegasta líka. Á þessu ári áttaði ég mig heldur betur á því hvað ég á góða að, bæði fjölskyldu og vini og ekki veit ég hvar ég væri ef ég hefði ekki haft þann stuðning og vináttu sem þið öll sýndið mér. Þúsund þakkir til ykkar allra…

Ég gekk í gegnum margar breytingar á þessu ári og ein af þeim var að klára skólann og fara að starfa sem kennari. Það er mjög sérstök tilfinning að stefna að einhverju alla ævi og svo einn daginn áttar maður sig á því að þeim markmiðum hefur verið náð. Þegar ég var aðeins um 6 ára gömul vissi ég að ég vildi verða kennari þegar ég yrði stór...svo í sumar eða tæpum 19 árum seinna náði ég þeim markmiðum þó svo ég sé ekki ennþá orðin stór....mér fannst þetta hálf undarlegt allt saman og fór því að velta því fyrir mér hvaða markmið ég ætti að setja mér næst....en þegar ég byrjaði síðan að kenna áttaði ég mig á því að ég hef ekki ennþá náð þessum markmiðum...þvi að vera kennari er svo margt og ég mun sjálfsgt alltaf vera að læra það svo lengi sem ég starfa sem slíkur....
en úff væmið.is......

Til þess að þið þurfið nú ekki að sækja vasaklútana ætla ég nú að snúa mér að einhverju aðeins minna væmnu...

Þetta ár hefur einnig verið mjöööög viðburðaríkt...svona skemmtanalega séð.....
Hófst árið með einstaklega skemmtilegri Akureyraferð sem stendur nú til að gera að hefð og ég vona að það standist ;) til ykkar þið vitið hverjar þið eruð ;) Þar var tjúttað og trallað og Magnadýrkun hófst á háu stigi :)
Eftir Akureyrarferðina fóru sumarbústaðarferðir að hrannast upp….að sjálfsögðu fór vinahópurinn í sína árlegu ferð sem var að sjálfsögðu eins yndisleg og alltaf og þar er matarmenningin alltaf í hávegum höfð :)
Svo tóku við lærdómsferðir þar sem unnið var við lokaritgerð auk þess sem ýmislegt annað bar á góma….og má þar nefna djamm og djús með klæðskiptingum úr næsta bústað, hanaslagur sem endaði með ósköpum, mikið át og endalaus hlátur og gleði.

Það er nú ekki hægt að rifja upp árið án þess að hugsa til þeirra ófáu sólahringa sem við Sigrún eyddum í líffærðistofunni ásamt vini okkar honum Joseph Cornell. Stundum vorum við orðnar svo gegnumsýrðar af þreytu að ótrúlegustu hlutir voru sagðir eða gerðir en einhvernveginn hafðist þetta og tókst okkar að skila ritgerðinni með glæsibrag.

Þegar öll verkefni og próf voru yfirstaðin hélt hópur útskriftarnema af grunnskólabraut í ferð til eyjunnar Lanzarote. Sú ferð verður seint toppuð og sú djammmenning sem átti sé stað í þeirri ferð mun sjálfsagt aldrei gleymast. Þar kynntumst við næturvörðinum Oswaldo sem sýndi okkur meiri þolimæði og skilning en við áttum skilið. Einnig verður maður nú að minnast allra vina okkar á Cafe la Ola en það er flottasti skemmtistaður sem ég hef farið á.. Það verður einnig að minnast látinna óvina sem við kynntumst í þessari ferð eða frændunum Óla og Sigga, þeir börðust hetjulega í kakkalakkastríðinu mikla en við létum ekki deigan síga og buguðum þá að lokum. Önnur eins tækni við að fanga óboðna gesti hefur sjaldnast verið notuð og má segja að gömlu fimleikataktarnir hafi komið að góðum notum. Í þessari ferð var lítið um hömlur í gleði, glensi og hlátri og minnistæð atriði eins og t.d. sólarvarnar dansinn minn út á verönd, þau ófáu skipti sem við komum heim af næturlífinu holdvot ýmist eftir öldugang, sundlaugaferðir eða aðra vitleysu sem okkur datt í hug. Það var nú ósjaldan sem við vorum rétt skriðin heim eftir brölt næturinnar að greyið konan sem kom að þrífa var vinsamelgast beðin um að koma aðeins seinna enda vorum við Sigrún og Smári þekkt sem svefnburkur ferðarinna. Já og kannski líka gleðipinnar ferðarinnar heheheh. En ég get nú líka ekki talað um þessa ferð án þess að minnast á heimsmeistaramótið í þythokkí sem við þremeningarnir í herbergi nr hmmm 413 (man ekki alveg) kepptum í á hverjum degi, það leið varla sá dagur að ekki voru teknir nokkrir leikir í þythokkí…Þessi ferð er svo uppfull af sögum og góðum minningum að ég gæti endalaust talað um hana en læt þetta nægja í bili

Eftir Lanzarote var svo komið að brúðkaupinu hennar Birnu minnar þar sem hún gekk að eiga hann Hemma sinn….það var yndislegt að fá að taka þátt í þessu með þeim og sú ást og hamingja sem ríkti þennan dag var alveg mögnuð….það er nú einnig gaman að segja frá þvi að við vinkonunar gæsuðum Birnu með glæsibrag…það var skemmtilegur dagur í alla staði þar sem glens og gaman ríki ásamt vináttu og gleði :) Fyrst var daman sótt á mótorhjóli og ekið að Magadanshúsi Yasmin…þar var henni skellt í magadansmúnderingu á háu stigi og síðan var dansaður magadans sem er bæði ótrúlega erfiður og ótrúlega skemmtilegur. Eftir þetta var hún klædd upp í þvílíka múnderingu og henni færð ýmis hljóðfæri og þurfti gæsin svo að syngja og spila fyrir vegfarendur í miðbæ Reykjavíkur á þessum góðviðris degi í maí J Þegar okkur fannst við vera búnar að pína hana nóg dekruðum við aðeins við hana með nuddi og kósýheitum og enduðum svo kvöldið heima hjá Ásgerði í góðum mat og glens og gríni fram eftir nóttu :) Jámm obbó gaman allt saman…..

Í sumar skelltum við stelpurnar okkur nokkrum sinnum út á lífið…það var tekið kjóladjamm og kokteiladjamm og margt fleira sneðugt…ég og inga vorum þó öflugastar í þessu og skemmtum okkur ansi vel oft á tíðum :) hehehe

Ég skundaði í eina útilegu í sumar…reyndar var þetta úthátíðin Sæl vinkona…þar var margt skemmtilegt brallað og sumir voru ansi hressir í þessari ferð say no more....þar kynntumst við ansi ,,skemmtilegum,, breta eða var hann svíi eða ástrali...hmm ég held að hann hafi ekki vitað það sjálfur :)

Lífið er yndislegt.....

Fyrstu helgina í ágúst skundaði maður svo í fyrsta skipti á ævinni á þjóðhátið…helgin var að sjálfsögðu tekin með trompi og fórum við nöfnurnar á fimmtudeginum með fyrri ferð til að missa nú alveg örugglega ekki af neinu hehe Þá um kvöldið skunduðum við ásamt eyjapeyjanum á húkkaraball í brjáluðu roki og rigningu….enda vorum við eins og hundar á sundi þegar við mættum á svæðið. Á þessu balli fékk ég alveg nýja sýn á Stuðmenn en hafði til þessa ekki mikla mætur á þeim…en eftir þetta ball og þessa þjóðhátið er ég orðin forfallinn Stuðmannaaðdáandi :)Eftir ballið voru nokkur hringir teknir í pallabíl eða bekkjarbíl…ég get aldrei munað hvað þeir heita enda var mikið gert grin af því…en ég veit allavega að þeir heita ekki dekkjarbílar eins Ólöf heldur fram :) hehe

Á föstudeginum mætti svo restin af stelpunum en við vorum nokkrar búnar að leigja okkur íbúð sem var notla bara yndislegt. Er ekki viss um að ég hefði viljað kúldrast í tjaldi alla ferðina. Þegar allir voru reddí var skundað í dalinn og ég fékk bara gæsahúð þegar ég sá dalin í öllum sínum skrúða...það var bara æðislegt…Það er nú frá mörgu að segja úr þessari ferð og var mikið hlegið, sungið og dansað þessa daga. Ég afrekaði það að vera alltaf sú síðasta inn í hús af okkur stelpunum enda er ekki erfitt að sannfæra mig um að taka þátt í einhverri vitleysu eins og t.d. að fara í fjallgöngu….taka löggumúvið með öllu tilheyrandi…mæta í dalinn með sokkabuxur á hausnum og lengstu glimmer augnhár sem fyrirfinnast og þykjast vera Princeses Lea (þótt allir hafi haldið að ég væri að stæla Silvíu Nótt)….fara í sund í mjög annarlegu ástandi og fá sér síðasta bjórinn með hádegismatnum á mánudeginum :) hehe jámm það var ýmislegt brallað í þessari ferð sem erfitt verður að fylgja eftir í næstu þjóðhátíðarferð :)

Þegar þjóðhátið lauk hélt ég ásamt Þöllinni í mitt lengsta innanlands ferðlag til þessa…en héldum við í heimahaga Sigrúnar, semsagt Egilsstaði. Þar hafðist ég við í góðu yfirlæti hjá fjölskyldu Sigrúnar þar sem ég gerði ekki mikið annað en að borða góðan mat :) Gaman að segja frá því að ég fékk að gista í lokrekkjunni og ég sem hafði ekki einusinni heyrt orðið Lokrekkja fyrr en ég kom í sveitina :) hehehe

Þegar fór að hausta og laufblöðin breyttu um lit tók við nýtt æði…..stelpan uppgötvaði Sálina :) Við vinirnir þræddum líka 4 sálarböll bara í haust eða hvað voru þau kannski 5….og við gátum ekki látið það nægja að fara bara á þau sem voru haldin á höfuðborgarsvæðinu heldur skunduðum við til eyja á eitt slíkt…þessi böll voru öll alveg frábær enda klikkar Sálin sjaldan og í góðra vina hópi er notla bara endalaus hlátur og gleðis :)

En þar sem ég vil nú ekki alveg svíkja lit við hann Magna minn var nú einnig kíkt á tónleika og ball með honum…en skellti ég mér til hennar Sigrúnar minnar og fór með henni ásamt fleirum á konukvöld á Fáskrúðsfirði þar sem hann Magni steig á stokk hehe ég hef aldei farið á konukvöld en ég lærði eftir þessa ferð hvernig á ekki að haga sér hehehehe nei nei segi sona…en þetta var alveg frábær ferð í alla staði þar sem var mikið hlegið og margar myndir festar á filmu…þar af nokkar af frægum kk módelum af austan…hehe

14 nóvember gerðist svo það óumflýjanlega….ég varð 25 ára gömul kona hehe að sjálfsögðu var haldið upp á það með pompi og prakt og var það bara ferlega mikið stuð og bara ótrúlega gaman þó ég segi sjálf frá :)

Í desember hefur verið brallað mikið en skellti ég mér í bústað með Ingu vinkonu reynar er bústaður ekki rétta orðið þar sem þetta er nú hálfgerð höll....vinkona Ingu og Smári kíktu á okkur á föstudagskveldið og það kvöld var bara endalaust helgið :) hehehe mjög gaman...svo vorum við Inga rosa duglegar að föndra og baka og sona...rosa fín ferð í alla staði :)

Það er alveg ótrúlegt hvað maður getur blaðrað mikið ég gæti sagt frá svo ótal mörgu fleiru skemmtilegu en ég læt hér við sitja….ef það er einhver sem hefur haldið það út að lesa allan þennan texta ætti sá hinn sami alvarlega að hugleiða hvort hann hafi nú ekki eittthvað betra að gera en lesa rausið í einhverjum vitleysingi út í bæ :)

Ég vil bara að lokum þakka ykkur fyrir samveruna árið 2006 og ég hlakka til að eyða árinu 2007 með ykkur og gaman verður að sjá hvað verður brallað ;)

Elskið friðinn og strjúkið kviðinn….

2006-12-31T06:25:00.000-08:00

Sæl verið þið fiskar og önnur dýr.....

Gaman að segja frá því að ég fór að kíkja á prinsinn hjá Huldu og Davíð og þvílíkur gullmoli sem þessi drengur er...algjör dúlla og svo mikil blanda af foreldrum sínum...ég fékk meira að segja að máta hann og allt....ég vona samt að það gangi betur næst þar sem ég var alveg eins og spýtukall af stressi :) ég ætla að æfa mig með púða fyrir næstu heimsókn :) hehe

annars vildi ég bara vara ykkur við að það er von á mjööööööööög langri bloggfærslu og ráðlegg ég ykkur bara að skrolla yfir hana ;)

en allavega elskið friðinn og strjúkið kviðinn

2006-12-28T18:35:00.000-08:00

Sæl verið þið fallega fólk og aðrir....

Nú verður maður aldeilis að blogga :)

Ég vil byrja að óska Huldu minni og Davíð til hamingju með frumburðinn sinn :) En þau eignuðust myndar prins annan í jólum..ég ætla að fara skoða drenginn á morgun og kyssa og knúsa þau öll :)

Svo varð hún Birna mín 25 ára í gær og Ásgerður mín er 25 í dag...til lukku elskurnar mínar...

Já mikið í gangi í kringum mig svona í lok ársins :)

en allavega elskið friðinn og strjúkið kviðinn :)

2006-12-25T18:28:00.000-08:00

Sæl verið þið jóla gleðipinnar og púkar....

Ég er sko ekki vön þessari miklu hvíld...að geta bara sofið út dag eftir dag....enda er ég andvaka núna...er barasta ekkert þreytt....og hvað gerir maður þá jú auðvitað bloggar :)

Skemmtilegt að segja frá því að ég og pabbi skelltum okkur í miðnæturmessu á aðfangadag...svona í tilefni dagsins....fórum reyndar gangandi og lentum í úrhellisrigningu og vorum eins og hundar á sundi í messunni :) hehe en það er bara gaman að því :) Það kom mér alveg á óvart hvað voru fáir í messunni...það er soldið langt síðan ég fór síðast í miðnæturmessu en þá var iðulega alveg vel full kirkja...síðan var kórinn undarlega fámennur...kannski sona 8 manns.....það var samt rosalega ljúft að komast í kirkju og heyra fallega sálma og hlýða á jólaguðspjallið :)

þetta er alveg virkilega spennó blogg hjá mér :) hehe en jæja þið fáið bara að finna fyrir því að ég sé andvaka múúhahahahamúhahaha

en jæja elsku vinir
farið vel með ykkur og elskið friðinn og strjúkið kviðinn

2006-12-25T05:26:00.000-08:00

Sæl verið þið vinir og vandamenn....

Ég vil óska ykkur öllum gleðilegra jóla og hafið það rosalega gott yfir hátíðarnar....ég klikkaði heldur betur á jólakortunum þetta árið en sendi í staðin fallegar hugsanir og knús ;)

Jólakveðja

Sigrún jólaálfur

2006-12-17T03:11:00.000-08:00

Sæl verið þið Jólasveinar og aðrir sveinar....já og meyjur...

Jámm vegna fjölda áskoranna hef ég ákveðið að blogga sona smá :) enda komin tími til....ég hef enga góða ástæðu fyrir bloggleysinu..bara leti og aumingjaskapur...

Ég vil byrja á því að koma á framfæri smá yfirlýsingu...ég tilkynnti hérna að ég ætlaði að vera voða góð og taka þátt í verkefni sem heitir Jól í skókassa... en semsagt til að vera ekki algjör hræsnari þá vil ég bara láta ykkur vita að ég komst bara ekki í það að vera með í þessu verkefni og þykir mér það miður en ætla þess í stað að leggja mitt að mörkum í Pakkajólum í kringlunni þar sem maður getur komið með pakka og þeir fara á þau heimili í landinu sem þurfa á því að halda...nú er bara að vona að ég standi við þetta..læt ykkur vita ;)

En jámm lífið gengur bara sinn vanagang eftir að maður er orðinn 25 hef ekki orðið vör við bakverki, minnisleysi eða glágu og krossa bara fingur...

Jólamánuðurinn er erilsamur tími fyrir kennara...ég sá fyrir mér voða kosý heit...föndur og dúllerí...sem er reyndar alveg stundum...en allur undirbúningurinn og frágangur fyrir þetta föndur er mikil vinna sem lendir auðvitað á aumingja kennaranum... he he he djók þetta er nú ekki svo slæmt :) ég ætti nú ekkert að vera kvarta enda er ég að fara í tæplega 2 vikna frí næsta miðvikudag :) vei vei vei.....

Það er kominn einhver jólapúki í mig...ég sem hef alltaf verið svo mikið jólabarn er bara ekkert búin að skreyta eða að gera neitt að ráði fyrir jólin...ég held nú reyndar að þetta sé bara leti í mér..svo nú ætla ég að vera obbó dúleg og æla upp jólunum hér í kotið mitt :) Það verður ekki líft fyrir jólasveinum og jesúbörnum á hillum og í loftinu mun hanga allskonar ljósaseríur og dúllerí..

Það er greinilegt að ég hef ekki tjáð mig lengi á opnum vef og er ég alveg að missa mig í að koma frá mér eins miklum gagnslausum upplýsingum og ég get fyrir ykkur lesendur góðir..en nú ætla ég að leggja frá mér tölvuna og taka mér tusku í hönd og þrífa hátt og lágt :)

ATH

Eitt enn... sem er bara nokkuð mikilvægt...takkarnir á símanum mínum tóku upp á því að virka ekki og kemst ég ekki inn í símann þar sem ég get ekki slegið inn pin-númerið...og kemst ég því ekki inn í símaskránna til að skrá hjá mér öll númer hjá vinum og vandamönnum...og þar eruð því miður alltof mörg númer sem ég kann ekki...það væri því alveg frábært kæru vinir ef þið mynduð senda mér sms með símanúmerum ykkar svo ég geti uppfært í nýju símabókina...ég er núna með síma í láni og stefni svo á að fá mér eins og eitt stykki fljótlega :) en allavega muna að senda mér sms með númerunum hjá ykkur elskurnar mínar ;)

En þangað til næst...elskið friðinn og strjúkið kviðinn...

2006-11-21T16:56:00.000-08:00

Sæl verið þið húsbændur og hjú!!!!

Vil bara byrja að þakka fyrir allar kveðjurnar, gjafirnar og alla afmæliskossana í þessari viku þið eru öll frábær ;)

En allavega mig dreymdi mjög undarlegan draum síðustu nótt. Mig dreymdi að ég gæti flogið og ég flaug hátt upp í himinn alveg upp geim þar sem stjörnurnar tóku á móti mér. Þetta var svo raunverulegt allt og svo ótrúlega fallegt. Ég man að í draumnum var ég að pæla í því hvort þetta væri einhver draumur og var að velta því fyrir mig hvernig sona ótrúlegir hlutir gerast. Já svona var það nú.....

hef ekkert meira að segja í bili, en allavega elskið friðinn og strjúkið kviðinn.

2006-11-13T15:04:00.000-08:00

Sæl verið þið vinir og vandamenn!!!!!!!!!!!!!!

Jæja eftir 4 tíma verð ég nákvæmlega hálf fimmtug.......þá verð ég búin að lifa jafn mörg ár og ég á eftir þangað til ég verð 50...já maður er orðin gamlingi , lúin og gömul........

He he djók ég er ekkert sona bitur og vansæl yfir aldrinum, þvert á móti er ég hress og kát og spræk eins og nike hehe Bara gaman að eiga afmæli :) Jámm þar sem þetta er nú sona ,,stórafmæli,, er margt planlagt, fjölskyldan í mat á morgun og svo eitthvað smá hóf um helgina :) jámm mikil gleði og glens....en allavega...vildi bara blogga sona í síðasta skipti 24 ára...

Elskið friðinn og strjúkið kviðinn.......

kveðja unglambið

2006-11-03T06:12:00.000-08:00

Sæl verið þið fagurkerar og aðrir strumpar!!!!!!

Ég held að það sé komin tími til að ég leysi frá skjóðunni...
Það var aðeins EINN sem var með þetta rétt.....

Da da da da and the winner is Sigrún Þöll...hún hefur unnið sér inn kók og prins næst þegar hún kemur í bæinn.....að vísu skipti hún um skoðun og breytti svari sínu en samt sem áður með rétt ;)

En allavega...ég myndi aldrei fara í teygjustökk finnst það hræðileg tilhugsun....gæti alveg hugsað mér að prófa svifflug og riverrafting og svo ætla ég í fallhlífarstökk á næsta ári :)

Ég ætla aldrei að fá mér páfagauk, ég þoli ekki fugla yfir höfuð og finnst þeir vera algjört ógeð og bara síklaberar, gæti ekki hugsað mér að hafa einn soleiðis flögrandi yfir mér upp á fönnið..
Mér er ekkert vel við ketti en ég venst þeim...stefni samt ekki á að fá mér svoleiðis...og svo sem ekki heldur hund né skjaldböku....aftur á móti gæti ég vel hugsað mér að eignast snákk eða svona litla slöngu...hef haldið á soleiðis og finnst það alveg æði :) en það sem stoppar mig samt í því að ég gæti aldrei hugsað mér að eiga mýs í frysti...oj hrollur...

Bjórinn er notla ódýr og klassískur..kaupi mér mikið af honum í bænum, vokdi og trönuberjasafi er nú bara þokkalega gott og kom mér skemmtilega á óvart þegar ég smakkaði það, strawberry dequri er besti drykkur sem ég fæ og gæti lifað á því á djamminu ef buddan leyfði :) en mohito er mesti viðbjóður sem ég hef á æfinni smakkað...oj foj...fæ bara gubbuna upp í háls...þetta var voða vinsælt á Lanza en nei takk fyrir aldrei aftur inn fyrir mínar varir...

Já þar hafið þið það.....

Annars vona ég bara að allir hafi það gott um helgina og geri eitthvað sneddí...ég ætla allavega að gera mér glaðan dag og hitta vel valda vini í kvöld og fá mér í glas og sona..svo sér maður hvað hinir dagarnir bera í skauti sér...

en allavega elskið friðinn og strjúkið kviðinn..

2006-11-01T16:57:00.000-08:00

Sæl verið þið fjallageitur og önnur spendýr!!!

Nú kemur smá könnun fyrir ykkur ;) Gaman að sjá hvað þið þekkið mig vel :)

Hvað af þessu myndi ég aldrei taka þátt í????????

Teygjustökk, Fallhlífarstökk, riverarafting eða svifflug.

Hvað af þessum fjórum dýrum ætla ég aldrei að eignast???

kött, snák, páfagauk, skjaldböku eða hund.

Hvaða drykk af þessum fjórum myndi ég aldrei kaupa mér á bar??

bjór, mohito , strawbery dequri eða vodka í trönuberjasafa

Já gangi ykkur vel kæru vinir og endilega verið dugleg að svara ;)

Elskið friðinn og strjúkið kviðinn....

P.s. ætla nú að óska honum litla bróður mínum til lukku með daginn, drengurinn er 18 ára í dag...úff ekki lítill lengur...til hammel með ammel Elfar minn knús og kossar frá stóru systir..

2006-10-29T05:00:00.000-08:00

Sæl verið þið húsbændur og hjú

Vil bara minna á frábært framtak Jól í skókassa sem er samvinnuverkefni KFUM og KFUK og Biblíuleshópsins Bleikjan. Hæg er að lesa sér til um þetta hér : http://www.skokassar.net/
En í grófum dráttum er verið að safna pökkum fyrir börn í Úkraníu. Íslensku skókössunum verður meðal annars dreift á munaðarleysingjaheimili, barnaspítala og til barna einstæðra mæðra sem búa við sára fátækt. Í kössunum má vera ýmislegt svo sem leikföng, hreinlætisvörur, sælgæti og fleira. Hægt er að skila kössunum í hús KFUM og KFUK við Holtaveg alla virka daga kl 9:00-17:00. Síðasti móttökudagur verkefnisins verður laugardaginn 11. nóvember frá klukkan 11:00-16:00.
Þetta þarf ekki að kosta okkur svo mikinn pening en getur breytt öllu fyrir börnin sem fá pakkana.....

Ég ætla að taka taka þátt hvað með þig????

en allavega þangað til næst...elskið friðinn og strjúkið kviðinn....

2006-10-27T05:29:00.000-07:00

Sæl verið þið fjendur og fallega fólk!!!!!!!!

Já stelpan skellti sér í bíó í gær og fór á íslensku myndina Mýrina. Ég varð sko alls ekki fyrir vonbrigðum og að mínu mati er þarna á ferð úrvals mynd með góðum leikurum......

Ég er komin í vetrafrí :) :) :) þarf ekki að mæta til vinnu fyrr en á þriðjudag :) :) :) vei vei vei
Það helsta sem tekið verður fyrir í fríinu er að ég ætla að gera upp baðherbergið hjá mér, mála og setja upp innréttingu og fleira skemmtó :)
Læt ykkur vita þegar þið megið koma og prufa að pissa á nýja baðinu mínu ;)
Síðan er ég búin að boða mig í heimsóknir hjá vinum og vandamönnum t.d. verður tekið eitt stikki spilakvöld í kvöld sem er notla ekkert nema gaman :)

Jámm mér tókst í gær að brjóta kennaraborðið í stofunni minni....geri aðrir betur....húsvörðurinn var alveg staðráðinn í því að ég hafi verið að hoppa á borðinu... :/ ég meina einhvernveginn verður maður að fagna því að vera að fara í frí :)

en jæja kæru vinir...hafið það gott um helgina :)

elskið friðinn og strjúkið kviðinn

2006-10-23T17:56:00.000-07:00

Sæl verið þið fjórfætlingar og aðrir vinir.......

Jámm ótrúlegir hlutir gerast stelpan bara að blogga....ussuss allt of mikil leti búin að vera hjá manni en ég lofa þeim sem eru ekki búnir að gefast upp á að kíkja hingað að nú verður spítt í lófa og ég mun vera obbó dúleg að blogga.

En jámm ég vil byrja á því að óska elsku Ingu minni til lukku með daginn í gær;) Stelpan átti stórafmæli enda orðin háöldruð eða 25 og þess má geta að hún er aldurforsetinn af okkur vinkonunum við hinar erum svo mikil unglömb...

Einnig vil ég óska Smára eyjapeyja til lukku með sinn afmælisdag sem var í vikunni sem leið....

Jámm bara mikið um afmæli í október........

Langþráður draumur varð að veruleika í gær þegar ég lét verða að því að skoða IKEA stórveldið. Ég varð sko alls ekki fyrir vonbrigðum. Búðin er alveg risastór og mér finnst hún einstaklega björt og aðgengileg. Ég þræddi hvern krók og kima ásamt móður minni og höfðum við gaman af. Settumst svo í kaffiteríuna og köstuðum mæðunni og fengum okkur ránódýrar veitingar. Að sjálfsögðu fór maður ekki heim með tómar hendur og fann ég ýmislegt sem mun koma að góðum notum en það besta er að ég keypti jólapappírinn :) Ég hef alltaf verið svo sein og misst af honum en núna ákvað ég að vera skynsöm og dreif bara í þessu.

Já nú hugsa sennilega sumir að ég hefði frekar átt að sleppa því að blogga en vera röfla bara um ikea og það er sennilega rétt hjá ykkur :) hehe

En allavega börn eru yndisleg....ótrúlegt það sem vellir stundum upp úr þeim...

Nemandi: Þú ert hálf manneskja og hálf geit
Kennari(mjög hissa): nú ??? afhverju???
Nemandi: Þú labbar svo hratt
heheheheheheheheheh

Nemandi: Áttu strák????
Kennari: Nei
Nemandi: Áttu stelpu???
Kennari: Nei
Nemandi: Áttu barn???
hehehehe

en jæja ég kveð í bili en kem fljótt aftur ;)

Elskið friðinn og strjúkið kviðinn !!!!!

2006-10-12T16:46:00.000-07:00

Sæl verið þið lendur og fjendur...

Vá ég ætlaði að fara skrifa eitthvað svo sniðugt en er bara búin að gleyma hvað það var:(

ohhh ég er alveg viss um að þetta hefði verið eitthvað ótrúlega sniðugt....
En allavega....ég ætla að óska Heiðdísi til lukku með daginn í dag...risa risa knús frá mér..
hafðu það gott gullið mitt og ekki gera neitt sem ég myndi ekki gera (sem þýðir að þú getur gert nánast hvað sem er hehe)

en allavega þið hin...hafið það gott um helgina..ég mun heiðra Austurlandið með nærveru minni og hafa það obbó gott hjá Sigrúnu skvís og co.

en allavega elskið friðinn og strjúkið kviðinn..

2006-10-10T17:13:00.000-07:00

Jæja haldið ekki barasta að stelpan sé á leiðinni á Austurlandið....maður ætlar bara að skella sér á konukveld á Fáskrúðsfirði :) hehe það verður örugglega obbó gaman....Magni og félagar spila fyrir dansi og svo verður maður í svo góðra vina hópi ;)

Annars var ég að hugsa hvað mér finnst ótrúlega gaman að mismælum......
Ég er sko algjör snillingur í því....

Hér eru nokkur skemmtileg mismæli :)

Í fyrra í vettvangsnáminu bað ég alla nemendur að sem þyrftu að skipta um LESTRARBRÆKUR að koma upp að kennaraborði. (Skemmtilegt að segja frá því að þetta gerðist oftar en einu sinni ) hehe

Eitt sumarið þegar ég var að vinna sem flokkstjóri þá var ég að hringja í unglingana í mínum hóp, kynna mig og segja þeim hvar þau ættu að mæta, þá bað ég þau ansi mörg að koma klædd eftir VERÐI....

En besta mismæli sem ég hef orðið vitni af verður að fá að fljóta með....ég vona þú fyrirgefir mér það ;) þú veist hver þú ert hehehe

Allavega það var líka í vettvangsnámi eitt árið....og kennaraneminn var búinn að vera koma nemendum í röð til að fara í matsal. Það var mikill kliður í hópnum og vildi kennaraneminn reyna að róa aðeins nemendur áður en þau legðu af stað inn í matsal. Hann tekur á það ráð að gera sig alvarlegan og segir með strangri rödd,, NÚ VIL ÉG ENGIN LÆTI BARA HÁVAÐA,,

Hehehehe þá var sko hlegið...

en jæja kæru vinir og vandamenn hafið þið ekki frá einhverju fyndnu mismæli að segja????

En allavega elskið friðinn og strjúkið friðinn...

2006-10-06T09:00:00.001-07:00

Sæl verið þið....

Sveitungar og aðrir gestir!!!!!

Kallið mig lúða en ég er ýkt spennt að Ikea er að opna RISA verslun rétt hjá mér :)
vei vei vei....bara nokkrir dagar í þetta (12 okt). Ég hef verið að heyra sögur af því að það er hægt að skoða heilu íbúðirnar í einhverum stíl og soleiðis. Svo heyrði ég líka að smávörudeildin sé jafn stór og öll gamla búðin til samans...úff ég er svo spennt.....

ég veit að innst inni eruð þið líka svona spennt :)

En allavega hafið það gott um helgina elskurnar mínar og ekki gera neitt sem ég myndi ekki gera.....

Elskið friðinn og strjúkið kviðinn

2006-10-06T09:00:00.000-07:00

2006-10-01T15:15:00.000-07:00

Sæl verið þið!!!
Norðmenn og aðrir sjómenn!!!!

Getur einhver sagt mér hvernig saltstangir eru búnar til??????

Afhverju ertu ekki til saltstangir með engu salti...þoli ekki saltið á þessum stöngum...það er þó spurning hvað þær myndu heita þá???? Ósaltaðar stangir.......eða Saltstangir (án salts)
Og já ef einhver veit um saltstangir ekki með salti þá má sá hinn sami láta mig vita ;)

en allavega

Elskið friðinn og strjúkið kviðinn...

2006-09-29T10:59:00.000-07:00

Já Sæl verið þið...
Húnvetningar nær og fjær

Dagurinn í dag eru minningar morgundagsins, þú er ofsa sæt Jasmín, upp með hökuna Alli.

Jámm þetta er setning úr einni Walt Disney mynd sem er að mínu mati alveg obbó fyndin....
Hvaða mynd er þetta????????????????????????????????

Ég hef verið að pæla í ellinni..þar sem maður er nú að verða 1/4 100 ára.....

Það er soldið sérstakt að vera innan um gamalt fólk...ég var þess aðnjótandi að fá að búa á elliheimili í nokkra daga...snæða með heldri borgurunum og ræða við það. Allir sem ég ræddi við voru svo yndælir og blíðir og ekki var að sjá neina reiði eða ofsa á neinum. Aftur á móti var ég vör við einmannaleikann og svona andlega þreytu hjá fólki. Mikið af fólkinu sat megnið af deginum og beið, það beið eftir matinum, ættingjum, fréttum og fleira, alltaf að bíða. Það hafði mikla þörf á því að tala við mig og vita sem mest um mig. Þarna var ég bláókunnug stúlka en samt fannst öllum mjög merkilegt að vita eitthvað um mitt litla líf, hvað ég væri að læra, hvað ég væri að vinna, hvað mér þætti gaman að gera í frístundum og fleira.
Fólk er alls ekki nógu dulegt að heimsækja gamla fólkið sitt og þar er ég engin undartekning því ég þarf sko sannarlega að bæta mig í því......verum nú dugleg að heimsækja ömmu og afa ;)

Ég held að það væri þjóðráð að virkja skóla og elliheimili til að vinna saman...Þannig gæti t.d hver skóli átt sitt vinar elliheimili. Þar gætu yngstu nemendurnir farið og sýnt atriði og sungið. Eldri nemendur gætu spilað við gamla fólkið, lesið fyrir það bækur og rabbað við það um lífið og tilveruna....Það er ekkert lítið sem maneskja sem er komin yfir sjötugsaldurinn hefur frá að segja og hjá öllum er hægt að finna eitthvað skemmtilegt, spennandi og fróðlegt til að segja frá.

Jámm þetta voru mínar pælingar í dag...
en allavega
Elskið friðinn og strjúkið kviðinn....

2006-09-24T04:29:00.000-07:00

Já sæl verið þið...

Þegar ég var lítil var ég oft soldið misskiln...og er það svo sem enn..en allavega....

Þetta byrjaði þegar ég var smástelpa þá sagði ég alltaf ég er ,,fyrst,, þegar ég var ,,þyrst,, og alltaf var mér svarað ég er ,,önnur/annar,, ótrúlega fyndið. Þá var ég alveg brjál og sagði yfirleitt ennþá hærra með frekjutón ,, Nei ég er FYRST,, Ég fæ ennþá sting í magann þegar ég heyri barn segjast vera FYRST..þá er ég sko FYRST til að gefa því að drekka...

Á mínu heimili tíðkaðist það að kalla kringlótt(bara kringlótt ekki ferhyrnt) matarkex Sæmund...ég hélt alltaf að þetta væri bara normal nafn á kringlóttu matarkexi en það var nú horft á mann stundum eins og bjána þegar maður bað um Sæmund út í búð......En viti menn svo sér maður nú bara auglýsingar þar sem Sæmundur matarkex kemur við sögu þannig að maður var nú ekki alveg krazy...

Þegar ég var lítil kallaði ég sinnep alltaf hannes..og þið sem þekkið mig vitið nú hvað ég er hrifin af sinnepi t.d. þegar ég fæ mér pyslu vil ég helst bara hafa vel af sinnepi og ekkert annað,,
En allavega það var eitt skiptið sem við fjölskyldan vorum á faraldsfæti og fórum í Akraborgina(sem var btw æði pæði). Mamma gaf okkur Gulla bró pylsu og að sjálfsögðu vildi ég bara sinnep á mína pylsu...Síðan vorum við systkynin komin með sitthvora pysluna og mamma búin að borga þá tek ég eftir því að það er bara ekkert sinnep á minni pyslu bara kviknakin pylsa í berrusuðu brauði...ég var að sjálfsögðu ekki sátt við þetta. Þar sem ég var nú ófeimin og framfærið barn ákvað ég nú barasta að bjarga þessu sjálf. Ég vippa mér til afgreiðsludömunar og horfi á hana með stórum vongbrigðar augum og segi,, það vantar Hannes,, Afgreiðsludaman horfir á mig góðlátlega og segir svo við mig blíðlega... ,,nei nei bróðir þinn er þarna,, og bendir á Gulla....að sjálfsögðu skyldi ég ekki hvað blessuð stúlkan var að rugla og horfi bara á hana eins og hún sé alveg snar...þá skarst mamma í leikinn og bjargaði pylsuferðinni minni og að lokum var ég komin með í hendurnar pyslu með fullt af hannesi :)

Jámm þetta var miskilningur lífs míns...

Hvað með ykkur...einhver lent í einhverju álíka????? Endilega commentið um það ;)

knús og kossar....

2006-09-20T12:05:00.003-07:00

Vegna mikillar eftirspurnar hef ég ákveðið að koma með mína gullnu setningu.

This is for you my fans ;)

Listin að lifa er fólgin í því að útiloka það sem skiptir ekki máli.

já þar hafið þið það

knús og kossar

2006-09-20T12:05:00.002-07:00

2006-09-20T12:05:00.001-07:00

2006-09-20T12:05:00.000-07:00

2006-09-17T15:41:00.000-07:00

Hmm þetta kom fyrst inn eins og eldra blogg en allavega hér kemur það aftur ;)

Opinber aumingi

Jámm þar hafið þið það...ég aumingi og hræðslupúki....Um helgina gekk ég upp á fjall og ég hélt ég myndi deyja úr þreytu..var tótalí búin á því.. svo seinna um daginn ætlaði ég að spranga en gerði nákvæmlega allt rangt...klessti á veggin, sprikklaði eins og fiskur á þurru landi og öskraði eins og smástelpa af hræðslu...var nú nánast bara farin að grenja...ekki nóg með þetta þá þá lenti ég í tveimur slagsmálum og var snúin niður í bæði skiptin..já þar hafið það... það rétt bjargaði sjálfsvirðingunni að ég fór í sjómann við Heiðdísi og tók hana gjörsamlega í nefið.....

En allavega elskið þið friðinn og strjúkið þið kviðinn...

2006-09-12T17:22:00.000-07:00

Snillingar á móa...
Já það eru sko margir snillingar þar get ég sagt ykkur...

Það var eitt kveldið þegar við sátum á snæðingi og boðið var upp á hlandvolgt gos með matnum og engir klakar voru til að einn drengurinn kom með alveg snildarhugmynd....

....sko Sigrún það eru til örbylgjuofnar sem hita matinn á nótime afhverju eru ekki til örbylgjukælir sem kælir mat og býr til klaka ótrúlega hratt.....´

Því meira sem ég hugsa um þetta lýst mér betur á þessa hugmynd...hafið þið aldrei lent í því að vera orðin ótrúlega svöng eða eruð á mikilli hraðferð en þá verðið þið að bíða eftir því að maturinn kólni...þá væri nú ekki verra að geta skellt matnum í örbylgjukælirinn...eins ef manni dettur nú í hug að fá sér kokteil síðla á þriðjudagskvöldi og klakarnir í búðinni auðvitað búnir vegna anna þá væri nú sniðugt að geta sett vatn í klakabox og skella því í örbylgjukælirinn og kokteilinn er gott sem tilbúinn...

Já ég ætla að stela þessari hugmynd og vera ótrúlega rík og fræg(Ég meina hver þekkir ekki Dave Microvave)

En allavega elskið þið friðinn og strjúkið þið kviðinn...

2006-09-10T16:35:00.000-07:00

Jæja víst ég er komin með blogg þá verður maður nú að tjá sig....
varið ykkur bara :) hehe

allavega ég varð alveg brjál um daginn þegar ég var að horfa á bikarúrslitaleikinn í kvennaboltanum. Þetta var hörku spennandi leikur sem endaði með vítaspyrnukeppni, ég sat límd við skjáinn og beið spennt eftir að vítaspyrnukeppnin myndi hefjast en nei nei haldið þið þá ekki að RÚV rjúfi ekki bara útsendinguna til að geta sýnt fréttir. Ég var svo reið og þið sem þekkið mig eitthvað vitið nú að ég verð ekki oft reið en svo þegar ég verð reið get ég orðið fjúkandi ill, ég hringdi upp á RÚV til að vita hvað væri í gangi og stelpan á skiptiborðinu gat ekkert sagt mér en ég lét ekki þar við sitja heldur sendi e-mail á RÚV og krafðist útskýringar á þessu !!!!!!

Hér er bréfið sem ég sendi :

Ég get ekki annað en lýst yfir óánægju minni varðandi útsendingu úrslitaleiks Vals og Breiðabliks í bikarmeistarakeppninni í fótbolta sem sýndur var í dag. Að stoppa útsendingu þegar vítaspyrnukeppnin var að hefjast er fyrir neðan allar hellur. Ég hef ekki mikla trúa á því að þetta hefði verið gert ef þarna hefði verið um úrslitaleik meistaraflokks karla að ræða
Þetta er mikil vanvirðing við kvennafótboltann og sýnir RÚV að mínu mati mikið kynjamisrétti með þessu. Þetta er skammarlegt og ætti ekki að gerast.

Með von um svar og skýringu
Kveðja

Nú er bara bíða og sjá hvort RÚV sýni sóma sinn og svari póstinum hmmmm
en allavega ég læt ykkur vita um framvindu mála ;)

En þar til næst elskið friðinn og strjúkið kviðinn...

2006-09-10T11:18:00.000-07:00